تعتبر الأكلات السريعة FAST FOOD  من اكتر الوجبات الضارة بجسم الإنسان  لاحتوائها على سعرات حراريه عاليه  ومن أهمها واحبها للجميع الشاورما والكول سلو  , دلوقتى ممكن نعملها فى البيت وتكون صحيه اكتر ومناسبه للرجيم .

طريقه عمل شاورما الفراخ

اولا : المقادير

• نص كيلو صدور فراخه بانيه.
• 2 فص ثوم مفروم.
• 2ملعقه زبادى لايت.
• رشه ملح + فلفل اسمر + بهارات.
• بصله كبيره مقطعه طرنشات.
• 2فلفل الوان مقطع طرنشات.
• كزبره + بقدونس.

 طريقه تحضير شاورما الفراخ

بنقوم بتقطيع صدور الفراخ لشرائح ونضعها فى وعاء مناسب ونضيف ليها  الزبادى والثوم والملح والفلفل والبهارات ونقلبها جيدا ونتركها لمده من ساعه الى ساعتين فى الثلاجه ,وبعدين نجيب طاسه تيفال نضع فيها البصل المقطع طرنشات ويستوى لحد ما يدبل  وبعدين نضع الفراخ المتبله ونضع عليها الفلفل الالوان ونسيبها تستوى براحتها من 15-20 دقيقه وبعدين نضعها ف الطبق ونرش عليها كزبره وبقدونس .

 طريقه عمل الكول سلو  دايت
مقادير الكول سلو

• 1 كرنبه صغيره او كابوتشى.
• 2 جزره متوسطه الحجم مبشوره.
• كوب لبن خالى الدسم.
• 2 ملعقه سكر دايت.
• رشه ملح + فلفل اسود.
• ملعقه كبيره خل + عصير نصف لمونه.
• نصف ملعقه مايونيز.

طريقه تحضير الكول سلو

يتم تقطيع الكربنه او الكابوتشى شرائح صغيره بالسكين او فى قطاعه البصل ويضاف اليها الجزر المبشور وتقلب جيدا ويحضر فى وعاء اخر السائل وهو اضافه كوب اللبن مضاف اليه السكر الدايت والملح والفلفل والخل وعصير اللمونه والمايونيز ويقلب جيدا ثم يضاف للمحتوى ويقلب جيدا ويترك بالثلاجه لمده 6 ساعات .