الانجليزى – او اللغة الانجليزية هى مشكلة جيل كامل بسبب ضعف التعليم فى المدارس او عدم ممارستها فى الحياة اليومية ، هى لغة من اسهل اللغات اللى ممكن تكتسب مهاراتها بسهولة ، تحتاج فقط للممارسة الجيدة والاستمرارية ، فى الموضوع ده هبعد تماماَ عن الكلام المنمق الشيك اللى جنب بعضة ، وهتكلم معاكم ارتجالى ، ازاى تتقن الانجليزى من الصفر الى الاحتراف ، او مش هنقول احتراف ، هنقول مثلا انك تعرف تتعامل بية فى الحياة اليومية انك تتكلم بية لو سافرت ، انك تعمل بية انترفيو فى شركة وتتقبل ، انك تقرا بيه كتبك المفضله .

اى لغة عايزة تكتسبها ليها 4 مهارات اساسية :

1 – الاستماع

2 – التحدث

3 – القراءة

4 – الكتابة

يعنى زى الطفل الصغير بيتعلم الاول يسمع كلمة ( بابا – ماما – اكل … الخ ) ووبعدين يبدأ يتكلم ويقول الكلام ده ، ولما يدخل المدرسة بيبدأ يقرا ويكتب ، وبكدا بيلم باللغه ، طيب هل هو اتعلم جرامر ونحو الاول ، اتعلم ان كلمة انا ( الضمير ) ورا عايز اكل ، وان الجملة بتبقى انا عايز اكل ، ولما ببقى عايز احولها لسؤال بقول ( هل تريد الاكل ؟ ) لا متعلمش كل ده ، يعنى مش شرط تتعلم الجرامر والقواعد عشان تتقم اللغة ، ولكن عشان اللغة الانجليزية لغة تانية فاحنا بندرس القواعد عشان نكلم صح .

ولكن لو مش عايزين نكلم صح فاحنا ممكن نوصل المعلومه بكلمه drink يعنى اشرب … من غير ما اقول مثلا  I want اللى هى انا اريد ، وممكن اصلا نوصل المعلومة باننا نشاور على الفم ونروح رقبتنا لفوق واللى قدامنا هيفهم اننا عايزين نشرب ، بس مش ده اللى احنا عايزينه , احنا عايزين نتكلم صح , نكتب صح , ونعرف نسمع ونفسر اللى بيتقال لنا .

ازاى اتعلم انجليزى صح ؟

يبقى هنبدأ نتعلم الجرامر , طيب ازاى اتعلم انجليزى من الاول ابدأ منين , انا مش عارف البداية , اقرا الاول , اتكلم الاول , اسمع واكتب الاول .

انا بفضل انك تتعلم الاول الجرامر ونبدأ بالازمنة الـ tense ومش هتلاقى افضل من سلسله الدروس دى للاستاذ احمد ابو زيد الازمنه فى اللغة الانجليزية

تابعنا فى سلسلة دروس تعلم اللغة الانجليزية على موقع ع الناصية